Frantziak ezarritako zigorra betetzear de Haimar Arozena preso politiko zarauztarra, eta gose greban da, abenduaren 24tik. Hala jakinarazi du AAM Amnistiaren Aldeko Mugimenduak, “kezka” agertuz.
Frantziako Poliziak 2007ko otsailaren 2an atxilotu zuen Arozena. Epaileak jarritako zigorra etzi, urtarrilaren 5ean, beteko du. Baina Espainiara kanporatu dezaketelakoan, protestari ekin dio, “Euskal Herrian aske bizitzeko eskubidea” aldarrikatuz. Izan ere, Espainiaratuko balute, Espainiako Poliziak atxilotu eta inkomunikatu lezakete. AAMk “tortura arriskua” aipatu eta “kezka” agertu du.