Haurrentzako ipuin kontaketa gaur arratsaldean liburutegian

Gaur arratsaldeko 17:30ean haurrentzako ipuin kontaketa izango da Zumaiako Udal Liburutegian. Mundu bira emanaldia emango du Apika konpainiak, eta 6 urtetik gorako haurrei zuzenduta dago. Mundu bira-rekin gauza berriak ezagutzeko grina piztuko zaie bertara joaten direnei. Munduan zehar edonork bidaiatu dezakeela ikusiko dute, baina liburutegitik irten gabe ere bidaiatu daiteke; ipuinen eta irudimenaren bidez. Horretarako behar den gauza bakarra, gogoa da.