Sutea izan da gaur eguerdi aldera Zestoako plazako etxe batean, Koiote tabernaren gaineko bigarren soliruan hain zuzen. Sutearen arrazoiak argitzen ari da orain Ertzaintza, baina edonola ere, onik atera dituzte eraikineko bizilagunak eta sutea itzaltzea lortu dute. Adierazi dutenez, eraikinari ez dio kalte handirik egin, ez behintzat estrukturari. Alboko etxeetara ere ez da surik pasa eta beraz, kalteak hasiera batean uste baino urriagoak izango dira.