Aritz Labiano Labiri eta Haritz Gartxotenean Xaporrari elkartasuna eskaintzeko jaialdia antolatu dute larunbaterako, Putzuzulon 21:30etan. Bertan Joseba Tapia musikariak azken lana Eta tira eta tunba aurkeztuko du. Horretaz gain, Oreka TX txalapartari taldeak eta Ken7 taldeko Eñaut Elorrietak emanaldia eskainiko dute. Era berean, Imanol Epeldek bere poesiak irakurriko ditu eta DJ Xixik borobilduko du gaua.