Euriak eta haize hotzak ez ditu kikildu Bikote Mistoen Kroseko parte-hartzaileak, eta inoiz baino jendetsuagoa izan da aurten proba. Guztira 513 bikotek hartu dute parte lasterketan, eta zarauztarrez gain, eskualdekoak nahiz beste herrietatik etorritako korrikalariak ere lehiatu dira. Hasiera-hasieratik Iñaki Peña barakaldoarrak eta Maite Arraiza bilbotarrak osatutako bikotea izan da lasterketako buru, eta hark lortu du podiumeko lehen postua, sailkapen orokorrean. Zarauztarrei dagokionean, Nerea Mujika eta Naxario Oiarzabal izan dira lehenak.
Sailkapen orokorra
1. Maite Arraiza Aramendia (Bilbo) eta Iñaki Peña Eguiluz (Barakaldo) 00:28:42
2. Marisol Ramos Leon (Oñati) eta Unai Hernandez Muñoz (Urretxu) 00:28:50
3. Maider Gaztañaga Dorronsoro (Ordizia) eta Gorka Sarasola Gorriti (Ordizia) 00:29:14
Zarauztarren sailkapena
1. Nerea Mujika Arregi eta Naxario Oiarzabal Olazabal 00:31:30
2. Irati Etxaburu Irusta eta Aitor Manterola Sagastume 00:31:33
3. Josune Zabala Ostolaza eta Roberto Ostolaza Semperena 00:31:49