Euskararen Nazioarteko Eguna ospatzeko hainbat ekitaldi antolatu eta burutu dute gaur. Goizean, esaterako, Anjel Lertxundi idazlea omendu dute Zarauzko Musika Plazan. Euskararen Eguna aprobetxatuz, Zarauzko Udaleko Euskara Zerbitzuak omendu du, eta aterkipean jende asko bildu da hotzari eta eguraldi txarrari aurre eginez. Udalak Lertxundik “euskarari egindako ekarpena eskertu eta urrian irabazi zuen Espainiako Saiakera Sari Nazionala jaso izanagatik ere zorionak eman” nahi izan dizkio ekitaldiarekin. Herriko ikastetxeetako haurrek, trikitilariek eta hainbat artistak hartu du parte omenaldian.
