Aurreko jardunaldian zorigaiztoko 94. minutuaz hitz egin bagenuen, oraingoan ez dago aitzakiarik: Hondarribian bere aurpegi onena erakutsi du Zumaiakok, etxeko taldea 1-4 mendean hartuz. Gorritxoek golarekin adiskidetu dira azken bi jardunaldietan, eta lehen nagusitasun antzua zena orain urrezko puntu bilakatzen ari dira. Sailkapeneko azken postutik ateratzeko balio izan die.