Azkoitiko Udaleko Merkataritza Departamenduak eta Herrixen Azkoitiko Dendaixen Elkarteak abian jarri dute establezimendu, merkatal-denda eta antzekoen XIV. Erakusleiho Lehiaketa, 2010eko Gabonak bultzatu nahian.
Lehiaketan parte hartu nahi duten dendek izena eman beharko dute abenduaren 13rako Azkoitiko Udaletxeko Herritarren Harrera Bulegoan edota Herrixenen Bulegoan (Kultur Etxeko 1. solairuan).
Antolatzaileek izendatutako pertsonek osatuko dute epaimahaia eta honako puntuak hartuko dituzte kontuan: erakusleihoaren aurkezpena, salgaiak ahalik eta era erakargarrienean erakustea eta Gabonetako giroa ematea. Sarietarako 500 euroko diru poltsa egongo da.