Zestoako alkateak gaurko ohiko udalbatzarrera deitu du, 20:00etan. Besteak beste, udalbatzarrerako gai zerrendan honako gaiak dituzte: EAJ udal taldearen ordezkaritzan Jexux Mari Arroitaonandia Bergaratxek zinegotzi kargua hartuko du; 2010eko aurrekontuaren aldaketa onartzea proposatuko da; herriko etorkizuneko osasun zentroaren jabetza EAEko administrazioaren esku utziko dute, doan; finantza alorrean euskararen erabilera areagotzeko hitzarmena proposatuko dute; eta, ezker abertzaleak aurkeztuta, Zutik Sahara! Elkartasuna Sahararekin! izenburua duen mozioa eztabaidatuko dute.