Bosgarren urteurreneko azken asteburua da honakoa Putzuzulo gaztetxekoentzat. Baina egitarau bete-betea dute azken txanparako. Goizeko hamaiketan ekin
diete auzo arteko jokoei, Musika Plazan. Eta bertan egingo dute herri bazkaria, 14:00ak aldean. Iluntzerako ere badute plana: poteoaren ostean (21:30), musika kubatarra izango dute zuzenean gaztetxean, Tambarana taldearen eskutik.
Bihar haurren eguna ospatuko dute. Malabarak izango dira 11:00etan, eta 17:00etan antzerkia. Eta gauerdia, sanferminetan bezala, Pobre de mi-aren ordua izango da. “Putzuzuloren bosgarren urteurrenari merezi duen agurra emango diogu”.