Abioiek kutxa beltza duten bezala, legeak agintzen du 15 metrotik gorako arrantzontziak ere mugimendu eta komunikazio guztiak jasotzen dituen aparailua izan behar dutela. Kutxa urdina deitzen diote. 'Motxo' arrantzontziarena atzo berreskuratu zuten, eta orain aztertu egingo dute arrantzontziaren ibilbideaz dauden zalantzak argitzeko. Bestalde, astelehenean bilera egingo dute ontziaren jabeak eta administrazio publikoetako ordezkariak, tartean Zumaiako Udala, arrantzontzia harraldetik nola aterako duten aztertzeko.