Zarautzen ospatzen diren jaien argazki emanaldia emango dute bihar arratsaldean, 19:00etatik aurrera, Sanz Enea kultur etxean. Gisa honetan, azken 100 urtetan sanpelaioek, amabirjinek edota Euskal Jaiek eman dutena ezagutzeko aukera izango da. Ekimen honek amaiera emango dio Arte eta Historia Museoak Tik Tak Klik erakusketarekin batera antolatutako argazki emanaldi zikloari; aipatu erakusketa igandera arte izango da ikusgai, 18:00etatik 20:00etara.