Motxo arrantzontzia, 15:00ak aldera, itsasgoran. Argazkia: Gorka Zabaleta
Itsasgora baliatu nahi zuten Motxo arrantzontzia haitzetatik ateratzeko, baina saiatzeko aukerarik ere ez dute izan. Izan ere, itsasoak are gorago ekarri du itsasontzia, ia labarraren kontraraino. Bihar eguerdi aldean saiatuko dira berriro. Itsasontzia ateratzeko modurik ez badago, erregaia ateratzen ahaleginduko dira. Arrantzontziaren sarea ere haitzean zabaldu eta kateaturik gelditu da, eta horrek ere kezka eragin du, tranpa bat baita horko izaki bizidunentzat.