Guerara Orio elkarteak, Ireki Begik eta Orioko Udalarekin elkarlanean, Sahararen aldeko festa solidarioa antolatu du igande honetarako. Hain justu, Herriko Plazan izango da hitzordua, eta bertan, Saharako Errepublika Arabiar Demokratikoa duela 50 urte aldarrikatu zutela ospatuko dute.
Hori horrela izanda, 12:30ean manifestuaren irakurketa egingo dute udaletxeko balkoitik, festari hasiera emateko. Ondoren, 13:30etik aurrera, Saharako janaria dastatzeko aukera izango dute herritarrek. Hala nola, kuskusa 5 euroan, haragi pintxoak 7 euroan eta Palestinako postreak euro 1ean salduko dituzte, eta bildutako dirua Saharako kanpamentuetara bidaliko dute.