Larunbat honetan Orio Cup txapelketa triangularra jokatuko du Orioko Bate Bizkorrak (OBB) sofbol taldeak etxean bertan, Mendibeltzen. Ohorezko mailako ligaren hasiera prestatzeko partidak izango dira, eta Nafarroatik etorriko dira aurkariak: Izaga eta Arga.
Aurreneko partida 10:00etan hasiko da, eta etxeko taldeak Arga hartuko du. Handik bi ordura, 12:00etan, Izaga eta Arga neurtuko dira. Eta, azkenik, 14:00etan, OBBk Izagaren kontra jokatuko du partida.
Liga, berriz, martxoaren 15ean hasiko da, eta oriotarrek Madrilen jokatuko dituzte aurreneko jardunaldiko bi partidak.