Orio Arraunketa Elkarteak jarri du data ohiko batzar nagusia egiteko: martxoaren 12an, ostegunarekin, elkartuko dira zuzendaritzako kideak elkarteko bazkideekin. 18:30ean hasiko da batzarra Arraunetxeko areto nagusian, eta gai zerrenda urteroko puntuek osatuko dute: aurrena azken batzarreko akta irakurri eta onartuko dute; ondoren, iazko urteko balantzea egingo dute; azkenik, aurtengo aurrekontuaren berri emango dute.
Bazkideek, amaieran, galderak eta eskariak egiteko aukera edukiko dute.