Orioko Futbol Taldeak 2025-2026 denboraldiko kromoen bilduma aurkeztuko du datorren igandean. Duela lauzpabost urte egin zuten ekimena lehendabizikoz, eta aurten berreskuratzea erabaki dute. Hain zuzen ere, taldeko jokalari bakoitzak bere album pertsonalizatua jaso ahal izango du igandean, bost eurotan.
Halaber, kromo zorroen eskaintza berezia ere egingo dute aurkezpenean, eta interesdunek 23 zorro 25 euroren truke eskuratu ahal izango dituzte.
Hala, aurkezpena arratsaldeko 16:00etatik aurrera izango da, Herriko Plazan. Eta igandetik aurrera, bost eurotan izango da salgai albuma herritar guztientzat, Kutixin eta Une Goxuan, baita kromo zorroak ere, 1,20 euroren truke.