Larunbata festa giroan hasi dute oriotarrek, AEKalean egitasmoak antolatutako erromerian. Eingo taldeak dantzaldia eskaini du eguerdian Herriko Plazan, eta inguruan zeuden lagun guztiak animatu dira fandangoa zein arin-arina dantzatzera, baita kalejira egin eta abestera ere.
Horrez aparte, elkarteak postua jarri du plazan, interesa zutenek Korrikako arropa eta bestelako produktuak erosteko aukera izan zezaten. Kalean, "eskolatik atera eta herritar guztientzat irekia" da AEKalean egitasmoa. Iaz, esaterako, kale antzerkia eta musika emanaldia egin zituzten.