Irakurketa goiztiarra sustatzeko Liburu Baby Kluba saioa egingo dute astelehenean, liburutegian, 17:30ean hasita. Saioa doakoa izango da, baina parte hartzeko beharrezkoa da izena ematea. Horretarako, interesdunek liburutegira jo dezakete. Gehienez 20 lagunentzako tokia egongo da, eta udalak jakinarazi duenez, oraindik geratzen da plazaren bat libre.
Liburu Baby Klubak haurren irakurketa sustatzea du helburu. Horretarako, Mestiza elkarteak Gipuzkoako liburutegietan saioak eskaintzeko ditu, jarduera ludikoa, didaktikoa eta doakoa sustatuz. Xede nagusia literatura, musika, artea eta naturarako interesa sustatzea da, bereziki haur txikien eta beren familien artean. Udalak zehaztu duenez, 0 eta 3 urte arteko haurrei eta gurasoei bideratuta dago egitasmoa.