Friends Reggae Night musika jaia antolatu du Katxiña jatetxeak bihar iluntze-gauerako. Musika eta parrillada, biak eskainiko dizkiete Orioko bodegara bertaratzen direnei.
Ibon DJak emango dio hasiera musika festari, 20:00etan. Parrillada egongo da gero, 20:30etik 22:00etara, eta ordu horretan hasiko dira kontzertuak: Hereje Fighters reggae talde oriotarra eta King Konsul igoko dira oholtzara.