Orioko Udalak 2023an jarri zuen abian herriko txaranga sortzeko ekimena. Hainbat bileren ostean, banda martxan jartzea lortu zuten, eta geroztik, herriko festak eta alironak girotzeaz arduratu dira musikariak. Herriko jarduerak ez ezik, "oriotarren kirol probak eta bestelakoak" ere musikatzen ibili direla azpimarratu du udalak.
Aurtengo udan, gainera, Orioko Txaranga ia astebururo atera da kaleak alaitzera eta estropalarien alironak ospatzera. "Musikariak gogotsu ari dira lanean, eta txalotzekoa da haien konpromisoa", dio udalaren oharrak. Izan ere, udalaren ikuspegitik, halako ekimenak baitira "herrigintzaren oinarri", eta halaber, "balio garrantzitsuak" sustatzen dituztela azpimarratu du, besteak beste, belaunaldien arteko harremana, herriko ondarearen transmisioa, taldearekiko konpromisoa eta Orioko bizi giroa. "Horregatik guztiagatik, udalak eskerrak eman nahi dizkie txaranga osatzen duten herritar guztiei".
