Aste Santua heltzearekin batera eta urteroko ohiturari jarraituz, matraka Herriko Plazara atera dute gaur, Ostegun Santuan. Izan ere, antzinan, Ostegun Santutik Larunbat Santura bitartean elizako kanpaiak isilik egoten ziren, eta matraka erabiltzen zuten herritarrak ohartarazteko.
Gaur, 03:00etatik 05:00etara ibili dute egurrezko aparatua Orioko txokoetan barrena. Ondoren, 12:00 aldera, plazara eraman dute, eta herritar guztien ikusmina piztu du. Begira zeuden batzuk, gainera, aparatua probatzera ere animatu dira.