Datozen egunetan Sahararako janaria bilduko da Orion, boluntario talde baten ekimenari esker. Hiru modutara egingo dute bilketa: herriko bi ikastetxeetan egina dute dagoeneko, herriko janari-dendetan ostiral eta larunbatean egingo da, eta larunbatean bertan, horretarako aukera izango da plazan 10:00etatik 14:00etara bitartean.
Bilduko duten jeneroari dagokionez, denbora luzez ondo irauten duena izango da: lekaleak (lentejak, babarrunak, garbantzuak...), pastak, arroza, arrain-kontserbak... Horrez gain, konpresak ere bilduko dituzte.
Tindufeko kanpamendura eramango da bildutako guztia, hango errefuxiatu sahararren artean banatzeko.