Orioko udal ordezkariek ezohiko udalbatzarra egin zuten atzo arratsaldean Zaharren Babeslekuaren adjudikazioa onartzeko. Idazkariak azaldu zuenez, Mikel Rekarteren proposamenak 36,75 puntu lortu ditu guztira (proposamen teknikoa eta ekonomikoa batuta), eta Saioa Etxeberriak eta Isabel Lizasok egindakoak 31,89.
Puntuazio horiek kontuan izanik, udaleko kontratazio mahaiak Zaharren Babeslekuaren kudeaketa Mikel Rekarteri adjudikatzeko proposamena egin zuen, eta atzoko ezohiko bilkuran, udal orezkariek aho batez eman zioten onarpena proposamenari, aldeko 13 botorekin.