Gipuzkoako Ezker Hormako Binakako Pilota Txapelketako bosgarren jardunaldia jokatu dute asteburuan oriotarrek, eta etxean jokatuko dituzte lau partidak.
Gaur, osteguna, hirugarren mailako gomazko paletako bi neurketa jokatuko dituzte, 19:30ean hasita. Aurrenekoan, Esoain eta Contreras ariko dira herriaren izenean eta Zumarragako Beloki bikotea izango dute aurkari; eta bigarrenean, Lizasok eta Aldalurrek Azpeitiko Ilunpe 2 bikotearen aurka neurtuko dituzte indarrak.
Bihar, ostirala, Illarra eta Murua Mutrikuko Danok Bat 1 bikotearen aurka lehiatuko dira, horiek ere hirugarren mailako gomazko paleta modalitatean, 19:00etan hasita.
Larunbatean, ostera, eskuz binaka, Orbegozo eta Aranalde ariko dira Errenteriako Eple bikotearen kontra, 17:00etan hasiko den neurketan.
Errendimenduko alebin eta infantil mailetako pilotariek ere asteburuan ekingo diote banakako Gipuzkoako Pilota Txapelketari.