Asteburu bizi-bizia izan da arraunlari oriotarrentzat. Coruñan bandera bakarra egon da jokoan larunbateko eta igandeko estropadetan, eta bai neskak, bai mutilak, igandean askoz hobeto lehiatu ziren larunbatean baino. Neskek larunbateko emaitza irauli, eta bandera eskuratzea lortu zuten atzo lan bikaina eginda.
Atzo iluntzean iritsi ziren Orio Orialkiko arraunlariak Coruñatik herrira, eta harrera egin zieten herritarrek plazan. Txarangaren atzetik bertaratu ziren neskak, eta udaletxeko balkoian jarri zuten bandera. Pandemiaren eragina nabaritu zen, ohi baino zale gutxiago gerturatu zelako plazara errezibimendua egitera arraunlariei.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide