Ostargi elkarteak hogeita bederatzi urte bete ditu aurten, eta urteurrenaren aitzakian, eskulanen erakusketa jarri dute Loretxu taberna zenaren ondoko lokalean. Elkarteko kideek azken hilabeteetan egindako lanak daude ikusgai; besteak beste, poltsak, motxilak, margoekin egindako artelanak, panpinak, jantziak...
Antolatzaileak oso gustura agertu dira atzo erakusketak izan zuen harrerarekin, goizean zehar jende asko hurreratu zelako eskulanak ikustera. Pozarren adierazi dutenez, egun hauetan herritarren igurtzi ederra ari dira jasotzen.
Gaur, igandea, izango da erakusketa ikusgai egongo den azken eguna, eta 10:30etatik 14:00etara egongo da zabalik.