Eusko Gudari kalea da itxitako bat
Orion gaur eguerdian Ertzaintzak herriko hiru kale itxi ditu: Balearen, Eusko Gudari eta Arrantzale, zehazki esateko.
Ertzaintzak hedabide honi azaldu dionez, arazo psikologikoak dituen pertsona bat bere etxean sartu da (Baleare kalean), eta arriskutsua izan daiteke. Izan ere, suzko armak eduki ditzake. Bakarrik omen dago pertsona hori, eta Ertzaintzaren negoziatzailea berarekin omen dago, etxetik ateratzea lortu nahian.
Bitartean, herritarrei eskatu diete ez ateratzeko ez kalera, ez leihoetara, itxitako kale horietan.
Zerbait gehiago jakin ahala berrituko dugu informazioa.