Benito Lertxundi musikari oriotarrak abenduaren 28an eskainiko du kontzertua sorterrian, Orion, Karela Kiroldegian.
Azaroaren 16rako zuten aurreikusita emanaldia, baina kantariaren osasun arazo bat zela medio, atzeratu beharra izan zuten. Hala eta guztiz ere, ikus-entzuleek data berrian izango den emanaldira joatea erabaki dute. Lertxundik sare sozialetan jakinarazi duenez, sarrerak agortuta daude, jada.