Bihar, asteartea, alzheimer gaixotasunaren hitzaldia izango da Orioko kultur etxeko areto nagusian, 18:00etan, Alzheimerrarekin elkar-bizi izenpean. Afagi elkarteko kideek eta Gipuzkoako Foru Aldundiak elkarlanean antolatu dute saioa, Gipuzkoa osoan barrena egingo dituzten jardunaldien barruan. Bihar Afagi elkarteko Antton Elosegi eta Maria Victoria Lucero psikologoa izango dira hizlariak.
Iraila amaieran alzheimerraren inguruko informazioa oriotarrei helarazten aritu ziren Afagiko kideak, informazio-mahai baten bidez. Udaletxearen atarian egon ziren.