Irailaren 27tik 29ra izango dira Orioko 10. Gazte Festak, eta behar ekonomikoei erantzun ahal izateko, antolatzaileek tonbola prestatu dute biharko, ostirala. Herriko saltokiek emandako produktuak zozkatuko dituzte, eta lortutako diruarekin egingo diete aurre jaietako gastuei. 19:30etik 21:00etara izango da tonbola, Orioko plazan.
Bestalde, bertan salduko dituzte hilaren 28ko paella lehiaketarako txartelak, 12 euroan. Paella egiteko osagaiak zein kamiseta bat barnebilduko ditu prezioak. Lehiaketarako txartelen salmenta puntu bakarra izango da biharkoa.