Euskal Herriko Sagardo Txapelketa Herrikoiaren egingo dute aurten ere, bosgarren urtez jarraian. Orion izango da finalaurrekoa, irailaren 20an, ostirala. 20:00etan jarri dute hitzordua, Aldapa elkartean. Txartela erosten dutenek otorduaz gozatzeko eta sagardoa dastatzeko aukera izango dute, baita puntuazio markak jartzekoa ere. Hamar sagardo marka izango dira finalaurrekoan, eta 5-10 arteko puntuazioa emango diote bakoitzari.
Ondorengoa izango da menua:
- Basatxerri lontxeatua
- Entsalada
- Ajoarrieroa
- Xolomoburua
- Postrea
Txartelak salgai daude jada, Kolon Txiki edota Salatxo tabernetan eta www.sagardoa.eus atarian, 26 euroren truke.