Hitzarmena sinatzeko ekitaldia gaur goizean egin da eta bertan izan dira Jose Angel Zaldua alkatea, alde batetik, eta Arraun Elkarteko presidente Ibon Huegun, bestetik.
Gaur sinatutako hitzarmenaren bidez, Udalak konpromisoa hartu du Arraun Elkarteari dirulaguntzak emateko bere jarduerak finantzatzen laguntzeko: entrenamenduak, estropadak, arraun-eskola, eskola-kirola, UDA kanpaina, arraunaren sustapena, garagardo-azoka…
5.000 euro gehiago
Arraun Elkarteak orain arte baino 5.000 euro gehiago jasoko ditu hitzarmen berriarekin; guztira, 82.830 euro. Udalaren ekarpena gehitzeko erabakia iaz hartu zen eta, beraz, 2019. urte honetan iazko ekitaldiari dagokion 5.000 euroko gehigarria ere jasoko du.