Eusko Jaurlaritzako Larrialdi Zerbitzuak jakinarazi du, lagun bat erreskatatu dutela gaur eguerdian Orioko Itxaspe baserriaren inguruan. Antza denez, herritarra korrika egitera atera da, eta 11:00ak inguruan min hartu du belaunean.
Ertzaintzatik jakinarazi dute, anbulantziak zauritua zegoen lekura iritsi ezin zuenez, larrialdi zerbitzuek erreskatatu dutela laguna. Ondoren, Donostiako Poliklinikara eraman dute anbulantzian.