Atzo, ostirala, iluntzean Orioko frontoian pilota partidak izan ziren eta, plazan, berriz, erromeria Lehian taldearekin, sanikolasen barruan. Lertxundi eta Aranalde oriotarrek 22-12 emaitzarekin irabazi zuten Villabonako Urbieta eta Esnaolaren aurka; ondoren, Titin III.a - Merino eta Urbieta II.a - Zabala bikoteen arteko partida jokatu zen, eta bigarrenek irabazi zuten 20-22 emaitzarekin.
Gaur amaituko dira San Nikolas festak, eta eguzkia lagun, herritar eta bisitari ugari ibili da eguerdi partean Orion. Plazan, esaterako, WM Dantza Eskolakoek Urban Style9 emanaldia eskaini dute.
Gaurko egitaraua:
12:00. WM dantza-eskolako Urban Style emanaldia, plazan.
17:00. Bikotetako dardo-txapelketa irekia.
18:00. Pello eta Nikolasa erraldoien kalejira buruhandi eta txistulariekin.
19:00. Burrunba elektrotxaranga Bikamiotatik hasi eta herriko kaleetan barrena ibiliko da. Eguraldi txarra eginez gero, plazatik aterako da.
23:00. Luhartz musika taldea, plazan.
