Auzolanean aritu diren lagunak omenduko dituzte Orioko Herri Ikastolan

Ikastolako gela berriak. (Orioko Herri Ikastola) Orioko Herri Ikastolan auzolanean egokitu dituzten gelak herritarrei erakutsiko dizkiete larunbatean, 11:00etan hasita. Horrez gain, auzolanean aritu diren gurasoei, guraso ohiei, irakasleei eta langileei omenalditxoa egingo diete, eta bereziki duela gutxi zendu zen Joakin Illarramendiri. EGITARAUA - 11:00etan, Harribil Dantza Taldeko kideen aurreskua. - 11:05ean, Auzolanean aritu diren guraso, guraso-ohi, irakasle eta langileei, eta bereziki duela gutxi zendu den Joakin Illarramendiri omenalditxoa. - 11:15ean, azken 3 urteetan egin diren obra berriak erakutsiko zaizkie ikastolako guraso eta bertaratzen diren guztiei. - Ordu berean, Miriam Mendoza ipuin kontalariak ipuinak kontatuko dizkie umeei 1. solairuko anfiteatroan. - 12:00ak inguruan, hamaiketakoa egingo da.