Ehunmililian aurrenak Javi Dominguez eta Silvia Trigueros izan dira.
Jone Urkizu Izarraiztik Azpeitira jaisten Ehunmiliak proban (Nerea Uranga).
Ehunmiliak proban emakumeetan podiuma egin du Jone Urkizu Azkoitian bizi den azpeitiarrak, hirugarren postuan bukatu du. 32:43:46ko denbora behar izan du 168 kilometroko lasterketa amaitzeko. Emakumeetan irabazlea Silvia Trigueros (Abadiño) izan da, 28:45:17 denborarekin, eta bigarrena Elena Calvillo (Beasain), 29:55:05 denbora eginda.
Gizonezkoetan Javi Dominguez gasteiztarrak marka guztiak hautsi ditu, ultra traila 22:22:03 denboran eginda. Haren atzetik bigarrena Jon Aizpuru (Beasain) izan da, 23:14:38 denborarekin. Hirugarren Felipe Artiguek (Miranda de Ebro) egin du, 23:53:45. Urola Kostakoetatik aurrena Aitor Adrian getariarra izan da, hori bederatzigarren postuan iritsi da Ehunmiliaken Beasaingo helmugara, 26:47:56an bukatuta. Dagoeneko proba bukatu duten eskualdeko beste korrikalarien artean daude: 59. Raul Cuadrado (Azpeitia), 34:18:21 denborarekin; 73. Ibon Lazkano (Azkoitia), 35:57:47; 76. Iker Ezama (Errezil), 35:58:58; eta, 87. Jose Ignacio Manterola (Orio), 37:19:00.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide