Orio, Bilboko Bandera jokatzen, atzo. (Maider Celada-Eusko Label Liga)
Atzo jokatu zuten TKE Ligako lehen estropada puntuagarria, Bilbon. Urdaibai nagusitu zen Bilboko VIII. Banderan, 19:25,70ko denborarekin, bi segunduko aldea ateraz txapeldunordeari, Hondarribiari (19:28,30). Oriotarrek laugarren egin zuten, Kaikuren atzetik (19:39).
Bigarren txandan lehiatu zen Orio, eta tarte handiarekin irabazi zuen txanda. 19:52,84ko denborarekin laugarren postua lortuz. Hona hemen sailkapena:
- Urdaibai 19:25,70
- Hondarribia 19:28,30
- Kaiku 19:39
- Orio 19:52,84
- Zierbena 19:53,30
- San Juan 19:53,56
- Ondarroa 19:55,12
- San Pedro 19:59,96
- Tiran 20:00,34
- Ares 20:08,04
- Cabo 20:22,88
- Astillero 20:24,08
Gaur izango dute Eusko Label Ligako bigarren jardunaldia, XVI. Sestaoko Udalaren Bandera, Portugaleten 12:00etan hasita.
Emakumezkoak hirugarren
Bestalde, Gipuzkoako Emakumezkoen VIII. Traineru Ligako laugarren jardunaldia izan zen Donostian atzo: Donostiarra Bandera. Hirugarren sailkatu zen oriotarren trainerua, San Juan irabazlearen eta Hibaika txapeldunordearen atzetik. Hona hemen sailkapena:
- San Juan 11:32,80
- Hibaika 11:45,82
- Orio 12:00,60
- Hernani 12:09:02
- Deusto 12:10,97
- Donostiarra 12:12,42
- Arraun Lagunak-Donostia 12:16,09
- Portugalete 12:39,32
- Castreña 13:18,53
- Lea-Artibai 13:19,27
