Danbolin Musika Eskolako ikasleek dantza emanaldia eskainiko dute larunbatean

Dantza emanaldia eskainiko dute Danbolin Musika Eskolako ikasleek. (Danbolin Musika Eskola) Karela Kiroldegian izango da emanaldia. 17:00etan emango diote hasiera ikuskizunari, eta bi saiotan banatuta egongo da. Lehenengo zatian, Jurdana Otxoaren eta Ander Errastiren gidaritzapean ikasten duten 4-6 urte bitarteko 64 ikasleek parte hartuko dute. Gero, Errastik zuzentzen dituen 7-15 urte bitarteko 135 ikasleek parte hartuko dute saioan. Azken hauek hurrengo dantzak eskainiko dituzte: Agurra, San Petrike, Guardiako arku dantza, Abaltzisketako txantxo dantza, Launango, Goazen Mix, Txontxongilo, Berako makil dantza, Aldapan gora, Uztai dantza, Arin-Arina, All Nights eta Gabak zeruari begira.