Orioko sanikolasak azken txanpara heltzen ari dira. Gaur Umeen Eguna da eta goizean goizetik askotariko jardunaldiez gozatzeko aukera ari dira izaten etxeko txikienak. Besteak beste, Karela kiroldegian 3×3 saskibaloi txapelketa ari dira jokatzen eta frontoian puzgarrietan jolasten.
Egun osoan izango dira ekitaldiak. Hona hemen datozen orduetarako egitaraua:
12:30. Otxotea herriko kaleetan barrena.
12:30. Dardo txapelketa herrikoia Estropalari kalean, 16 urtetik beherako gaztetxoentzat. Bertan eman beharko da izena.
12:30. Esperientzia Eskolakoen eskutik taloak eta sagardoa Herriko Plazan.
12:30. Tio Teroren Semeak dantza ikuskizuna Herriko Plazan. Umorea eta euskal dantza uztartuko dituzte dantzariek.
15:00. 3×3 Saskibaloi Txapelketa Karela Kiroldegian. Gazteeek parte hartuko dute.
17:00. Helduen arteko dardo txapelketa Estropalari kalean. Bertan eman beharko dute izena parte-hartzaileek.
17:00. Pello eta Nikolasa erraldoiak kalejiran buruhandiekin eta txistulariekin.
18:00. DJ Porrue.
20:00. Trikidantz musika taldea plazan.
23:00. Atsedenaren ondoren, Trikidantz musika taldea plazan.
[flickr_set id="72157673679371103"]
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide