Orioko Toki-Alai Elkarteak mus txapelketa antolatu du ekainaren 17rako

Orioko EAJk bere bigarren mus txapelketa antolatu du ekainaren 17rako, datorren ostiralerako, Toki Alaia Elkartean. Lehia bizia izango da, eta lehen lau bikote sailkatuentzat egongo dira sariak: bikote txapeldunak txapela, trofeoa eta Katxiña Erretegian  bi lagunentzat afaria irabaziko du; bigarren sailkatuak trofeoa eta Xixario Erretegian bi lagunentzat afaria; hirugarren postua lortzen dutenek Galerna Jatetxean afaria bi lagunentzat, eta laugarren bikoteak bi kilo saiheski eta erreserbako bi ardo botila. Ekainaren 17an 22:00etan hasiko da lehia, baina parte-hartzaileek 21:00ak inguruan elkartean bildu beharko dute izena emateko edo nahi izanez gero aldez aurretik 943-890789 telefonora deitu; bikote bakoitzak 20 euro ordaindu beharko ditu. Antolatzaileek jakinarazi dute gehienez 32 bikotek parte hartu dezaketeela txapelketan.