Real Union taldeko lehen entrenatzailea izan da azken bi urtean azpeitiarra. Imanol Alguacil oriotarra da lehen entrenatzailea.
Aitor Zulaika futbol entrenatzaile azpeitiarra Espainiako 2.B mailako Reala B taldeko bigarren entrenatzailea izango da datorren denboraldian. Imanol Alguacil oriotarra da talde horretako lehen entrenatzailea, eta haren laguntzailea izango da azpeitiarra. Zulaikak Real Union taldean egin ditu azken bi urteak, lehen entrenatzaile gisa. Haren ordez, Asier Santana izango da Irungo taldearen entrenatzailea. Santana Realeko hirugarren entrenatzaile izan da orain artean, eta Mikel Labaka azpeitiarra arituko da haren postuan datorren denboraldian.
Reala B taldean jokatzen dute Igor Zubeldia azkoitiarrak eta Jon Guridi azpeitiarrak. Horrez gain, azpeitiarra da prestatzaile fisikoa ere: Oier Agirrezabalaga.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide