Orion ohiko udalbatzarra egingo dute datorren asteartean

Orion ohiko udalbatzarra egingo dute asteartean, maiatzaren 31n, 19:30ean hasita. Ondoko gai zerrenda jorratuko dute: - Udal kontu-hartzaileak emandako txostenaren berri ematea: Aurrekontu-egonkortasuna, jasangarritasun finantzarioa eta gastuaren erregela, Orioko Udalaren 2015eko aurrekontu propioaren likidazioaren onarpena dela-eta. - Onartzea, egoki bada, Orioko Udalaren aurrekontu propioari dagokion 3/2016 zenbakidun kreditua aldatzeko espedientea. 3.- Onartzea, egoki bada, Udalaren aurrekontu propioari dagokion 4/2016 zenbakidun kreditua aldatzeko espedientea. 4.- Onartzea, egoki bada, honako ordenantza fiskalaren aldaketa: Trakzio mekanikoko ibilgailuak udalerrietako kaleetan aparkatzea, horretarako erabakitako zonen barruan eta muga jakin batzuekin. 5.- Onartzea, egoki bada, izaera urbanoko ondasun higiezinen gaineko zergari aplikagarri zaizkion karga-tasen aldaketa, ondorioak 2017ko urtarrilaren 1etik aurrera izango dituena. 6.- Onartzea, egoki bada, Orioko herriko jaieguna 2017. urterako. 7.- Onartzea, egoki bada, Orioko udal hilerriko Arautegiaren 44. eta 45. artikuluak aldatzea. 8.- Onartzea, egoki bada, udal ordezkariak izendatzea Urola Kostako Udal Elkartearen Zuzendaritza Batzorderako eta Udalerri Euskaldunen Mankomunitaterako (UEMA). Bukatzeko, eskarien eta galderen txanda izango da.