Gaurtik eman daiteke izena Orioko udako kirol jardueretan

ORIO // Uda sasoirako kirol jarduerak antolatu dituzte haur, gazte eta helduentzat Orion. Alde batetik, 13 urte bitarteko haurrentzat ohiko jarduerak eskainiko dituzte eta eskubaloia eta bodyboarda izango dira berrikuntza. Hamabostaldiaren prezioa iazko bera izango da, 35 euro. Bestetik, helduei zuzendutako saioak ere antolatu dituzte uztailean eta abuztuan. Gaurtik aurrera eman daiteke izena udako jardueretan Orioko Karela kiroldegian. Izena ematerakoan ordaindu behar da.