Entrenamendu irekiak antolatu ditu eskubaloi taldeak

ORIO // Maiatzaren 10ean eta 17an Orioko Eskubaloi Taldeak entrenamendu irekiak egingo ditu LH 6. mailako eta DBH 1. mailako ikasleei zuzenduak Karela Kiroldegian. Ekitaldiaren asmoa gaztetxoei eskubaloia probatzeko aukera ematea da, hurrengo ikasturtean kirol bat aukeratu behar dutenean eskubaloia ere kontuan izan dezaten. Gogorarazi dute kirola egiten ondo pasatzea dela helburu nagusia, eta parte hartzera animatu dituzte gaztetxoak.