Zilarrezko dominarekin itzuli dira Ander Zabala eta Imanol Garmendia Munduko Aulki Mugikorreko Txapelketatik. Esloveniako Bled lakuan hokatu dira estropadak, eta Orioko ordezkariz osatutako bi ontzi atzoko finalera sailkatu ziren, larunbatean jokatutako sailkapen estropaden ondoren.
Zabala-Garmendiak eskura izan zuten garaipena pisu arineko bikoan, baina azkenean bigarren postuan helmugaratu ziren, txinatarren atzetik 26 ehunekotara (6:42.05). Bigarren ontziari dagokionez, Jon Carazo bosgarren tokian bukatu zuen Biko Absolutuan, 6:49.01eko denborarekin.
Munduko Txapelketaren aurretik, Zabala-Garmendiak nazioarteko estropada bat jokatu zuten, aurreko ostiralean, Bled-en bertan, eta garaipena bereganatu zuten Pisu Arineko Biko kategorian. Hala ere, honakoa ez da izan Oriok asteburuan jokatu duen nazioarteko estropada bakarra izan, ezta garaipena lortu duena ere. Zortzioan ere garaile izan ziren Bordelen.