Plazan egingo dute aurten Orioko Artisau Azoka. (Egilea: Aiora Larrañaga)
Aurtengoan postu guztiak herriko plazan jarriko dituzte eta antolatzaileek jakinarazi dute era askotako artisautza-lanak erakutsi eta salduko direla: bitxiak, senda-belarrak, eztia, zeramika, gozokiak, arropak, euskal produktuak, xaboiak, ukenduak eta hortxata besteak beste. Artisau Azoka 11:00etan zabalduko dute eta 19:00ak arte izango dira postuak irekita.
Goiz partean azokaz gain, Kataluniatik etorritako erraldoiak ibiliko dira kalez kale, musikaz lagunduta.