Orioko Bate Bizkorrak taldeak bi partida irabazi ditu asteburuan

Orioko Bate Bizkorrak. (Iturria: OBB) Denboraldiari hasiera kaskarra eman bazion ere, Orioko Bate Bizkorrak taldeak igandean bi partida jokatu zituen, eta biak irabaztea lortu zuen. Mendibeltz zelaian jokatu zituzten partidak, eta Kataluniako Projecta taldea izan zuten aurkari. Asteburu honetan ere hitzordua izango dute oriotarrek, eta Viladecans taldearen aurka bi partida jokatuko dituzte Herrialde Katalanetan.