Orion egingo duten saihesbidea eta herria lotzen dituen biribilgunea zabaldu dute dagoeneko; biribilguneak lau irteera ditu; Zarautzera doana, herrigunera joatekoa, etorkizuneko saihesbidera doana eta Aiako Santio Erreka auzora doana, hain zuzen ere; herritik irtetean, bidea bitan banatzen da, eta Zarautzera doazen ibilgailuak ez dute biribilgunean sartu beharrik izango; horiek beste ibilgailuak pasatzen utzi beharko dute; biribilgunearekin batera, saihesbidearen errepide zati bat berritu dute. Herrigunea eta eta saihesbidea lotzen duen zubiko espaloari jarraituz oinentzako eremua ere egin dute; halaber, bizikletentzako bidegorri zati bat ere egin dute, saihesbideko bide berria iristen den guneraino.
