Eduki hau partekatzeko esteka arbelera kopiatu da.
Martxoaren 29rako sindikatuek deitutako greba orokorrak oihartzun nabarmena izan du Orion, goiz partean behintzat. Espainiako Gobernuak onartutako lan erreformaren kontra deitu dute greba. Orioko erdigunea erabat geldituta zegoen gaur goizean, 09:30ak inguruan. Aparkaleku asko hutsik, trafikorik ez eta saltokiak, tabernak eta banketxeak itxita. Kalean, jende gutxi, nahiz eta haietakoren bat besapean ogia hartuta ibili. Saltokiren batean ere argia ikus zitekeen. Saihesbideko lanak ere geldituta zeuden goizeko une horretan, eta baita Ubegun industrialdea ere, nahiz eta bertan greba ez izan erabatekoa.